مايونيز بلا بيض تيجي بنين.

المقادير: بطاطس متوسطة مسلوقة،كاس حليب، 1/2كاس عصير الحامض،كاس زيت، ملح وابزار كنديرو البطاطاس فمولينكس كنضيفو الحليب والملح والابزار والحامض ونصف كاس زيت نطربو الكل ونزيدوا النصف الاخر ديال الزيت حتى يطحن و بالصحة.

دجاج في الفرن بطريقة ساهلة ولديدة

المقادير
دجاجة +معلقة كبيرة لمطارد +معلقة ونص زبدة +ملح +ابزار+قياس معلقة ونص زعيترة ماشي زعتر + عصير حامضة او 2معالق خل 

طريقة
دجاج طبعا مغسول ونوضعوه في مول كيدخل للفرن من بعد ما قطعنه قطع صغيرة ونضيفو ليه جميع عناصر  ونمزجو جميع مكونات ونتركه ساعة قبل يطيب 

بعد ما يمر وقت مدكور نضيفو ماء اللى يطيب فيه دجاج وهدا رجع لكمية دجاج ونحولو ندخلو ماء بين دجاج 

و نغطوه بورق الالمنيوم 

ندخلوه للفرن لمدة نص ساعة وتكون نارمتوسطة ومن فوق ومن التحت

منين يطيب نحيدو ورق الالمنيوم وندخلوه للفرن مرة اخرة باش يتحمر من جهة ندوره لجهة تانية باش يتحمر من جهتين ولازم يبقا شوية نتاع المرق اللى طاب فيه دجاج  

سلطة البطاطاس بالمايوينيز

3 بطاطات كبار مقطعين ومسلوقين - جلبانة مسلوقة - 1 علبة طون ايزابيل - ماييس - مايونيز - قليل من الملح والابزار - قليل من الزعتر للتزيين . نخلط جميع المكونات ونضعها في صحن القديم ونرشها بقليل من الزعتر

كيكة هنريس

المقادير

3 بيضات - كاس حليب - نصف كاس زيت -كاس سنبدة -
2 باكية هنريس - 3 معالق كاكاو- 2 خمارات حمرين.
السيرو= ساشى نسكافى+نصف كاس ماء

طريقة التحضير

كطربي البيض مزيان كتزيدي الحليب سنيدة الزيت و هنريس كتخليه شوية حتى يدوب زيدي الكاكاو وطربي مزيان زيدي الخمارات وكبيها فالمول دخليها الفران طيب ملى تخرجيها سقيها بالسيرو ديال نيسكافى و زينيها بدانيت والشكلاط محكوك او لوز ايفيلي

الدنجال فريت

دنجال مقطع عاى شكل اصابع نرقدوه فخليط مكون من ( نص كاس حليب + بيضة +نص كاس طحين + 2معالق خل +ملح كمون ابزار سكنجبير تحميرة ) لمدة نصف ساعة او اكثر تم نمرمدوه فالسميدة رقيقة ويقلى في زيت ساخن اوراه كيجي مقرمش ومكيشربش الزيت

سلطة بحال ميلفوي

ناخد بطاطا مسلوقة و مطحونة مخلطة مع ملح و فرماج شوية ابزار ونبسطوها - النصف فقط - فمول او اي اناء بلاستيكي مربع او مستطيل و لكن نطلعو البطاطا شي 2 سنتيم فجنابات المول بحال شي سور ...تم نكبو وسطو روز مسلوق و مخلط مع مايس و مايونيز و تون .....تم فوق منو جلبانة....تم خيزو محكوك مع شوية ملح و خل ...تم قطع الباربا مربعات مع ماح و ابزار و خل و سوية بصلة مقطعة صغير تم طبقة اخرى من روز مسلوق و مخلط مع مايس و مايونيز و تون....واخيرا ماتبقى من البطاطا نغطيو بها كلشي....و نبسط جيدا بملعقة تم نحطوها في الثلاجة......و بعد مدة نقلبوها فطبسيل مفرش بالخس و ندهنوها كاااملة بمايونيز.._ انا كنخلط مايونيز مع دانون مسوس باش تجي خفيفة و نزوقو حسب ابداعاتكم انا عملت خطوط متوازية بشوية مايونيز مخلطة مع كاتشب او صلصة الطماطم و جريتهم بعود الاسنان بحال ميلفوي

زعلوك بلا مطيشة

3 دنجالات
ثوم وربيع
نصف حامضة مسيرة
ملح
م ص كامون
م ص تحميرة
نصف م ص ابزار
كاس صغير زيت الزيتون

 وزيتون اخضر مقطع

نحكو الدنجال فالحكاكة الغليضة فشي مقلة او طنجرة مكتلصقش ومن بعد نزيدو الزيت والثوم والربيع والعطرية ونعملوه فوق البوطة على نار مهيلة ونغطيوه بلا ماء راه كيطلق الماء ديالو وكيطيب فيه ونبقاو نحركو حتى يطب. قطعو الحامض ونزيدوه هو وشوية الربيع والكامون ونحركو وكيكون واجد
وممكن تضيفي الزيتون مقطع    

كيك بارد

كيك رولي

طريقة تحضير الفرماج الاحمر

بديل الفرماج الاحمر

شيز كيك

طارت صغار

كيكة البنان

معقودة

سلطة البطاطس

طورطية

باذنجان بيتزا

جينواز 10 دقائق

كيكة تيفال

كيكة الكوكوط